Qonşularını narazı saldı – Məhkəməyə verildi

Türkiyənin tanınmış müğənnisi Ajda Pekkan Bodrumda yerləşən dördmərtəbəli dəbdəbəli villasının təmiri səbəbilə qonşuları ilə məhkəməlik olub.

Məlumata görə, ifaçının evində artıq bir ildir davam edən təmir işləri bölgə sakinlərinin narazılığına səbəb olub. Dekorasiya ilə məşğul olan 10 nəfərlik komandanın fəaliyyəti və hər gün yük maşınlarının əraziyə giriş-çıxışı ciddi səs-küy yaradıb.

Sakinlər uzunmüddətli tikinti işlərinin yaşayış mühitini pozduğunu bildirərək məhkəməyə şikayət ediblər. Səmt rəhbərliyi də məsələ ilə bağlı rəsmi addım atıldığını təsdiqləyib.

Hadisənin necə nəticələnəcəyi isə maraq doğurur.