Sevgisiz qalmasının səbəbini açıqladı-FOTOLAR
Məşhur rusiyalı müğənni Alsu şəxsi həyatı ilə bağlı danışıb. O, hazırda yalnız sənətinə fokuslandığını və münasibət qurmağa vaxtının olmadığını bildirib.
AsimanFərzəliyeva 
Rusiyalı estrada ulduzu Alsu Bakıda keçirilən konsert proqramından sonra şəxsi həyatı barədə açıqlama verib.
Müğənni "Strasti" nəşrinə müsahibəsində sevgisinin olmamasının səbəbini izah edib:
"Hazırda yalnız sənətimlə məşğulam. Hər gün studiyada mahnılar yazdırır, çəkilişlərdə iştirak edirəm. Bunlar mənə enerji və sevinc bəxş edir. Amma münasibət üçün vaxtım yoxdur, ona görə də kişim yoxdur."
Üç övladı ilə xoşbəxt olduğunu bildirən sənətçi gələcəkdə daha bir övlad sahibi olmaq ehtimalından da söz açıb:
"Bu, Allahın əlindədir. Mən bunu əvvəlcədən deyə bilmərəm."
Xatırladaq ki, Alsu 2024-cü ilin mayında 18 illik evliliyini bitirmək üçün məhkəməyə müraciət etmiş, avqust ayında isə boşanma prosesi yekunlaşmışdı. İddialara görə, ayrılığın səbəbi həyat yoldaşı, iş adamı Yan Abramovun ona illərdir xəyanət etməsi olub.
