Samir Piriyevin xanımı: "O, digər müğənnilərdən fərqli olaraq efirə pul xərcləməzdi"

Müğənni Samir Piriyevin həyat yoldaşı maraqlı açıqlamalar verib. "Astar" verilişində iştirak edən A. Piriyeva bildirib ki, Samir həmkarlarından fərqli olaraq efirə çıxmaq üçün heç zaman pul xərcləməyib.

O, keçmişdə ATV-də jurnalist işlədiyi zaman Samirə tez-tez müsahibə vermək üçün zəng etdiklərini, amma Piriyevin həmişə toylarda olduğunu və efir üçün heç zaman "yanmadığını" söyləyib. A. Piriyeva, "Samir yeganə müğənnilərdən idi ki, kanal ona pul verirdi", - deyə əlavə edib.

Samir Piriyev isə sözlərinə müdaxilə edərək, ATV-də işlədiyi dövrlərdə yüksək maaş aldığını açıqlayıb. O, "ATV-də Xalq artisti Aygün Kazımovanın "Xeyir ola?" verilişini birgə aparırdım. Hər ay 5000 manat maaş alırdım. O zamanlar bu maaş hər kəsə verilən məbləğ deyildi. Mən o vaxtı toya 5000 manata gedirdim. ATV-də hər ay bir toyun pulunu alırdım" deyə bildirib.