Müğənni Şəbnəm Tovuzlu sosial şəbəkə hesablarında reklam paylaşımı üçün aldığı məbləği açıqlayıb. O, İnstaqramda bir reklamın 2000 manata yayımlandığını bildirib.
Müğənni Şəbnəm Tovuzlu sosial media hesablarından qazandığı gəlirlə bağlı maraqlı açıqlama verib. O, qatıldığı televiziya proqramında İnstaqram və YouTube platformalarında geniş izləyici kütləsinə sahib olduğunu qeyd edib.
Sənətçi bildirib ki, YouTube kanalında 1 milyon 700 min izləyicisi var və 2019-cu ildə ona "gümüş düymə", 2022-ci ildə isə "qızıl düymə" təqdim edilib. İnstaqram hesabında isə 3 milyon 400 min izləyicisi var.
Şəbnəm Tovuzlu sosial şəbəkələrdə reklam paylaşdığını etiraf edib: "İnstaqramda hekayə bölməsində reklam yerləşdirmək üçün 2000 manat alıram. Amma mənim səhifəm əsasən müğənni səhifəsidir, reklam səhifəsi deyil. Ona görə də, yalnız 4-5 aydan bir müəyyən reklam təkliflərini qəbul edirəm. Geyim və digər məhsulları reklam etmirəm, ancaq bəzi şirkətlərin məhsullarını paylaşa bilərəm”, - deyə müğənni vurğulayıb.
