Səfərovalarla Küsülülüyündən DANIŞDI:

Müğənni Aysun İsmayılova, Sevil və Sevinc Səfərovalarla arasındakı küsülülük haqqında danışıb. O, bu barədə "Rəngarəng səhər" proqramında açıqlama verib və münasibətlərindəki gərginliyin səbəbi ilə bağlı fikirlərini bölüşüb.

Aysun, “Heç bir mahnılarını əzbər bilmirəm. Doğrudur, küsülüyük və danışmırıq, amma səbəbini özüm də bilmirəm. Aramızda böyük bir dava olmayıb. Mən dostlarıma çox dəyər verirəm və onların mənfi və pis tərəflərini ictimaiyyət qarşısında açıqlamıram,” – deyib.

Müğənni, həmçinin Sevil və Sevincin onun mahnılarına qarşı sərt yanaşmalarına toxunub: “Mahnı söhbətindən sonra barışmışdıq. Onlarla incikliyim yoxdur. Mənim üçün dostlarımın ən yaxşı günlərində olmaq vacibdir, və ümid edirəm ki, onlar da mənim yanımda olacaqlar.”

Aysun, dostluğa verdiyi önəmi vurğulayaraq bildirib: “Dost dediyim insanın hər zaman yanında olmuşam, bir-birimizin sirrlərini bilirik. Amma mənim xeyir işlərimdə heç vaxt təbrik edilməmişəm. Mən onları təbrik etmişəm, amma dəvət edilməmişəm. Baxdım ki, qarşı tərəf istəmirsə, heç kimə zəng edib soruşa bilmərəm ki, niyə çağırmamısan.”