Sabancı ailəsində qalmaqal – FOTO

Türkiyəli iş adamı Hacı Sabancı ilə bağlı məhkəmə prosesi nəticəsində onun 3 yaşlı Uzay Sabancının atası olduğu təsdiqlənib.

Fatma D. adlı qadın keçmişdə Hacı Sabancı ilə münasibətdə olduğunu və bu münasibətdən Uzay adlı oğlunun dünyaya gəldiyini iddia edərək İstanbul Ailə Məhkəməsinə müraciət etmişdi. Məhkəmənin qərarı ilə hər üç tərəf – Hacı Sabancı, Fatma D. və kiçik Uzay DNT testindən keçiblər. Analiz nəticələrinə əsasən, Hacı Sabancının atalıq ehtimalı 99.99% təsdiqlənib.

Məhkəmə ekspertin hesabatını əsas götürərək, Hacı Sabancının Uzayın bioloji atası olduğuna dair qərar çıxarıb. Lakin iş adamının vəkilləri ekspert hesabatının yetərli olmadığını və nəticənin necə əldə edildiyinin tam aydın olmadığını bildirərək etiraz ediblər.

Qeyd edək ki, hazırda Nazlı Sabancı ilə evli olan Hacı Sabancının Arzu Alara adlı bir qızı var.