"O Ses Türkiye"nin yeni mövsümündə Hadise-nin münsif yoldaşı Melike Şahinə verdiyi reaksiya sosial mediada müzakirələrə səbəb olub. Onun tamaşaçılara cavabı tənqid edilib.
Türkiyənin məşhur musiqi yarışması "O Ses Türkiye"nin yeni mövsümünün ilk bölümü yayımlanıb. Verilişin diqqətçəkən məqamlarından biri isə müğənni Hadise-nin yeni münsif Melike Şahinə verdiyi reaksiya olub.
Belə ki, Melike Şahin ifasını tamamladıqdan sonra tamaşaçılar "Bir daha!" deyərək onun yenidən oxumasını istəyiblər. Lakin Hadise "Yox, canım" deyə reaksiya verib.
Bu anlar sosial mediada geniş müzakirəyə səbəb olub və pop ulduzun sözləri bəzi izləyicilər tərəfindən tənqid edilib. Hadise-nin bu ifadəsi bəziləri tərəfindən hörmətsizlik kimi qiymətləndirilib, bəziləri isə bunun sadəcə zarafat xarakteri daşıdığını bildirib.
Hadise hələ ki, bu reaksiyalarla bağlı heç bir açıqlama verməyib.
