"Sənətimə qiymət verə bilməz"-FOTO

Klarnet ifaçısı Hüseyn Məhəmmədoğlu müğənni İntiqam Kərimovun opera müğənnisi Vəfa Şərifova ilə bağlı verdiyi "Heç bir opera müğənnisi "Dilbərim"i belə təmiz oxumur" açıqlamasını tənqid edib.

İntiqam Kərimov, Hüseynin tənqidi sözlərinə cavab verərək "Gün ortası" verilişinə zəng edib və "Hansısa tütək, klarnet çalan sənətimə qiymət verə bilməz. Heç onu tanımıram. Mən "Sevil", "Balaş" oxumuşam," deyib.

Daha sonra Hüseyn Məhəmmədoğlu verilişə telefonla bağlanaraq "Böyük Məşədi Məhəmmədin oğluyam. Rafiq Babayevlə 4 ifası İntiqam Kərimovun bütün həyat və yaradıcılığından artıqdır. O ki qaldı savada: 3 diplomum var, magistraturanı bitirdim. Hansısa restoranda yox, Londonda salonda konsert vermişəm" sözlərini söyləyib.

Hüseyn, İntiqam Kərimovun ünvanına "İntiqam müəllim, siz bu günə kimi nə oxumusunuz? Siz Aygün Bəylər, Elçin Cəlilovun müəllimi olsanız nə edərdiniz? Onların bir faizini oxumursunuz. O ki qaldı opera ifaçılarına... Onlara sayqı ilə yanaşmaq lazımdır, Azərbaycanın o boyda sənətkarları var: Fidan və Xuraman Qasımovalar, Ramil Qasımov, Samir Cəfərov, Yusif Eyvazov. Dağıl ay dünya" deyib.

Bu sərt açıqlamalar, sənətçilər arasındakı mübahisəni daha da qızışdırıb.