"Özünüzü yığışdırın, dağıtdığınız ailələrdən danışın!"

Müğənni Rəqsanə İsmayılova həmkarı Ülviyyə Namazova və digər müğənnilərə sərt xəbərdarlıq edib. Sənətçi sosial media hesabında canlı yayıma çıxaraq, ailə dağıdan şəxsləri və efirdəki qalmaqalları tənqid edib.

“Özünüzü yığışdırın, dağıtdığınız ailələrdən danışın. Mənim uşağımın adını çəkmək sizin haqqınız deyil. Mən səhnədə olanda siz televizor qarşısında mənə baxırdınız. Bu qalmaqallar artıq bezdirib, hər kəs ailələrə hörmət etməyi öyrənsin,” – deyə Rəqsanə bildirib.

Müğənni həmçinin bildirib ki, hər kəs ailəsini qorumağa çalışmalıdır: “Mənim üçün ailə müqəddəsdir. Həyatımda hər zaman ailəmə və dəyərlərimə önəm vermişəm. Kimsə mənim və ya uşağım haqqında yanlış söz danışmağa cəhd etməsin. Bu, son xəbərdarlığımdır.”

Rəqsanənin çıxışı sosial şəbəkələrdə geniş müzakirələrə səbəb olub. O, həmkarlarını ailə dəyərlərinə hörmət etməyə və efirdəki qalmaqalları dayandırmağa çağırıb.