Təyyarə Qəzası ilə bağlı Vacib açıqlama

Aviasiya sahəsində ekspert Eduard Xəlilov, təyyarə qəzalarında sərnişinlərin sağ qalma ehtimalı haqqında vacib açıqlamalar verib. O, dünya statistikasına əsaslanaraq bildirib ki, təyyarənin quyruq hissəsində oturan sərnişinlərin sağ qalma şansı daha yüksəkdir. Ekspertin sözlərinə görə, təyyarə qəzası zamanı quyruq hissəsi qırıldığında, burada oturan sərnişinlər üçün sağ qalma ehtimalı artır. Buna misal olaraq, Qazaxıstanda baş verən “Embraer 190” təyyarə qəzasını göstərən Xəlilov, bu qəzanın quyruq hissəsində oturan sərnişinlərin sağ qalma ehtimalını təsdiqlədiyini qeyd edib. O, bunun nadir hallar olsa da, statistik həqiqət olduğunu bildirib.

Qeyd edək ki, 25 dekabrda Bakı-Qroznı reysi ilə uçan “Embraer 190” təyyarəsi Qazaxıstanın Aktau şəhərində qəzaya uğrayıb. Qəzada 67 sərnişindən 29-u sağ qalıb.