Üzel Kərimova şəxsi həyatı ilə bağlı yayılan şayiələrə cavab verdi

Aktrisa Üzel Kərimova, son zamanlar şəxsi həyatı ilə bağlı yayılan şayiələrə sərt cavab verib. İnstaqramda yayımladığı video açıqlamada, şəxsi həyatına müdaxilə edənlərə etirazını bildirib. O, izləyicilərinə şəxsi həyatını onlardan yalnız lazım olduğu qədər paylaşdığını vurğulayıb: "Sizin nə qədər bilməyinizi istəyirəmsə, o qədərini paylaşıram. Şəxsi həyatımda kiminsə olması və ya olmaması məni maraqlandıran bir məsələdir, sizi deyil," - deyə aktrisa qeyd edib.

Üzel Kərimova, ətrafındakı bəzi şəxsləri və sənət yoldaşlarını da xəbərdar edərək, şəxsi həyatına hörmət göstərməyə çağırıb. "Mən həyasızlıq etmirəm, ortalığa düşüb özümü öldürmürəm," - deyə əlavə edib. Aktrisa, bu məsələyə son qoyaraq, hər kəsin öz məsuliyyətini dərk etməsini və başqalarına müdaxilə etməməsini istədiyini bildirib.