"Vaqa"haqqında qərar verildi

TikTok-da əxlaqsızlığa qarşı əməliyyat çərçivəsində həbs edilən "Vaqa" ləqəbli tiktoker Vüqar Zeynalzadə ev dustaqlığına buraxılmayıb. Bakı Apellyasiya Məhkəməsində Zeynalzadənin şikayətinə baxılıb. Tiktokerin vəkili Arzu Cavadov, müvəkkilinin 4 aylıq həbs-qətimkan tədbirindən narazı olduğunu bildirib. Vəkil, Vüqar Zeynalzadənin himayəsində iki azyaşlı uşağının və ağır xəstə olan anasının olduğunu vurğulayıb. Lakin məhkəmə qərarını açıqlayaraq Zeynalzadənin şikayətini qəbul etməyib və Nərimanov rayon məhkəməsinin qərarını qüvvədə saxlayıb. Vüqar Zeynalzadə Cinayət Məcəlləsinin 234.1-1-ci maddəsi ilə narkotik vasitələri saxlama və daşıma ittihamı ilə üzləşib. "TikTok"da əxlaqsızlıqla bağlı həyata keçirilən əməliyyat nəticəsində bir neçə nəfər saxlanılıb.