Varidat bölgüsü: 30 milyard rubl dəyərində əmlak mübahisəsi
Müğənni Alsu və iş adamı Yan Abramov boşanmalarına baxmayaraq, hələ əmlak bölgüsünü yekunlaşdırmayıblar. 18 illik evlilik dövründə əldə etdikləri mülklər arasında Londonda mənzil, Kipr, ABŞ, Fransa, Monako və Rusiyada daşınmaz əmlaklar var. Abramov keçmiş həyat yoldaşına 2,5 milyard rubl təklif etsə də, Alsu bunu qəbul etməyib və məhkəməyə müraciət edib.
AsimanFərzəliyeva 
Müğənni Alsu və iş adamı Yan Abramov 2024-cü ilin avqustunda rəsmi şəkildə boşansalar da, əmlak bölgüsü hələ də həll olunmayıb. Milli.Az xəbər verir ki, cütlük 18 illik evlilikləri müddətində əldə etdikləri əmlakları bölmək üçün məhkəmə prosesinə başlayıb.
Siyahıda Londonda "Lord's Cricket Ground" stadionu yaxınlığında bir mənzil, Kipr, ABŞ, Fransa, Monako və Rusiyada yerləşən daşınmaz əmlaklar var. Məhkəmə işinin əvvəlində Yan Abramov Alsuya 2,5 milyard rubl təzminat təklif edib, lakin müğənni bu məbləği qəbul etməyərək hüquqi mübarizəyə başlayıb. Alsu, ikinci vətəndaşlığı olan Böyük Britaniyada da məhkəmə iddiaları qaldırıb.
İş adamının vəkili Aleksandr Dobrovinski bildirib ki, keçmiş ər-arvad arasında aliment problemi yoxdur, çünki Abramov üç övladının bütün ehtiyaclarını qarşılayır. Onun hesablamalarına görə, cütlüyün ümumi varidatı 20-30 milyard rubl arasında dəyişir. Məhkəmə prosesinin növbəti iclası martın 21-də keçiriləcək.
