Xalq artisti 20 Yanvar faciəsi ilə bağlı xatirələrini bölüşdü
Xalq artisti Mələykə Əsədova, 20 Yanvar faciəsinin 35-ci ildönümündə yaşadığı dəhşətli anları paylaşdı. Aktrisa, həmin gecənin qaranlıq və qanlı olduğunu, Bakının üzərini almış qara buludların altında 4 nömrəli xəstəxanada yatdığını bildirib.
AsimanFərzəliyeva 
20 Yanvar faciəsinin 35-ci ildönümü ilə əlaqədar olaraq, Xalq artisti Mələykə Əsədova xatirələrini bölüşüb. O, 1990-cı ilin 20 yanvar gecəsini “qaranlıq, qara buludlu qanlı yanvar gecəsi” adlandırıb və bu dəhşətli hadisəni heç vaxt unutmayacağını vurğulayıb. Aktrisa həmin gecə Bakının üzərini almış qara buludlar altında 4 nömrəli xəstəxanada olduğunu, xəstəxanaya bir-birinin ardınca yaralıların gətirildiyini xatırlayaraq, silah səsləri və insanların fəryadlarının qulaqlarında hələ də cingildədiyini bildirib. O, vətən uğrunda canını fəda edən şəhidlərimizə Allahdan rəhmət diləyib.
