20 Yanvar gecəsi doğulması ilə bağlı duyğusal paylaşımı-FOTO

Aparıcı Jalə Həsənli 20 Yanvar gecəsi dünyaya gələnlərin həyatını və həmin gecənin əhəmiyyətini sosial media hesabında paylaşdı. O, 35 yaşını tamamlarkən, bu il dönümünün həm şəxsi, həm də tarixi mənada dərin mənası olduğunu vurğuladı.

Jalə Həsənli yazısında belə dedi: "Bu gecə daha bir yaşımı geridə qoyacağam. Bir az daha böyüyəcəyəm. Tək diləyim gələn hər yeni yaşımı sağlam və sevdiklərimlə birgə qarşılamaqdır. 20.01.1990". O, 20 Yanvar gecəsi doğulanlara "qara gecənin işıqlı sabahı" deyildiyini xatırlatdı və bu gecənin ona həm ümid, həm də güc verdiyini bildirdi.

Aparıcı qeyd etdi ki, 35 yaşında çoxlu dostlar, təcrübələr və səyahətlər qazanıb və gələcəkdə daha çox həyat təcrübəsi əldə etməyi arzulayır. Eyni zamanda, 20 Yanvar gecəsinin həm şəhidlər, həm də mübarizələr üçün vacib olduğunu vurğuladı və bütün şəhidlərə Allahdan rəhmət dilədi.