Xalq artisti səhnədə vəfat etdi

Şimali Osetiya-Alaniya Respublikasının Xalq artisti, "Alan" dövlət ansamblının orkestr rəhbəri Elza Datiyeva səhnədə dünyasını dəyişib.

Osetiya qrupu ilə Çeçenistanın "Noxço" dövlət rəqs ansamblının birgə konserti zamanı Elza Datiyeva rəqs nömrəsi zamanı özünü pis hiss edib və huşunu itirib. Hadisə səbəbindən konsert yarımçıq dayandırılıb. Dərhal tibbi yardım göstərilsə də, sənətçini xilas etmək mümkün olmayıb.

Məlumata görə, Datiyeva uzun müddətdir xərçəng və ürək xəstəliklərindən əziyyət çəkirmiş. Onun vəfat etdiyini respublikanın mədəniyyət naziri Soslan Fidarov təsdiqləyib.

Qeyd edək ki, faciə baş verən an Elza Datiyevanın qızı da zalda olub.