Əməkdar artist Elton Hüseynəliyev atası ilə bağlı çətin xatirələrini bölüşüb. Sənətçi atasının dayısının şəri ilə həbsə düşdüyünü və bu hadisənin ailəsi üçün ağır keçdiyini etiraf edib.
Əməkdar artist Elton Hüseynəliyev atasının keçmişi ilə bağlı çətin xatirələrini bölüşüb. O, qonaq olduğu televiziya proqramında atasının dayısının şəri ilə həbs olunduğunu deyib.
"Atam altıncı kalonda cəza çəkirdi. O, dayısının verdiyi izahat əsasında həbs olunmuşdu. Biz evdə oturmuşduq, mübahisə yarandı və nəticədə birinci atamı evdən aparıb həbs etdilər. O, bir il cəza çəkdi. Sonradan dayısı Orduxan cəzaçəkməyə göndərildi və bir daha izini-tozunu görmədik. Daha sonra isə atam içkili vəziyyətdə avtomobildə yatıb qalmışdı. Sürücü onu oyada bilmədiyi üçün polis bölməsinə aparmışdılar. Atam heç vaxt kiminsə qəlbinə toxunan insan olmayıb, amma görünür ki, müəyyən səhvləri olub," – deyə sənətçi bildirib.
Elton Hüseynəliyev valideynlərinin halal insanlar olduğunu və onların tərbiyəsi ilə böyüdüyünü xüsusi vurğulayıb.
