Əlixan Rəcəbov avtomobil qəzası keçirdi-FOTO
Aktyor Əlixan Rəcəbov qarlı və şaxtalı hava şəraitində avtomobil qəzasına düşüb. O, yolun sürüşkən olması səbəbindən avtomobilinə nəzarəti itirərək başqa bir nəqliyyat vasitəsinə çırpılıb. Hadisə ilə bağlı sosial şəbəkədə paylaşım edən aktyor hər kəsi yavaş sürməyə və diqqətli olmağa çağırıb.
AsimanFərzəliyeva 
Aktyor Əlixan Rəcəbov avtomobil qəzası keçirib. O, qarlı və şaxtalı hava şəraitində nəqliyyat vasitəsinə nəzarəti itirərək başqa bir avtomobilə çırpılıb.
Hadisə ilə bağlı sosial media hesabında paylaşım edən aktyor başına gələnləri belə təsvir edib:
"Avtomobilimi vurdum. Saxlamaq istəyirdim, amma yolun sürüşkən olması səbəbindən bacarmadım. Nəqliyyat vasitəmi birtəhər idarə edərək qarşımdakı maşına dəydim. Sürücü anlayış göstərdi, bir-birimizə yaxşı yol arzulayıb, hadisə yerindən ayrıldıq. Yavaş sürün, diqqətli və anlayışlı olun."
Aktyorun paylaşımı izləyicilər tərəfindən böyük maraqla qarşılanıb və sürücülərə ehtiyatlı olmağı tövsiyə edilib.
