Əzizlərini itirən Nüşabə Ələsgərli: "Onlar üçün darıxıram"

Əməkdar artist Nüşabə Ələsgərli, "Qonaqcanlı" verilişinin qonağı olaraq, həyatında yaşadığı ağır itkilərdən danışıb. Bacısını və anasını itirdiyini vurğulayan sənətçi, bu itkilərin onun həyatına dərin təsir etdiyini bildirib.

"Bacımın övladı artıq böyüyüb. Mənim əlim hər zaman onun üzərindədir. Bacımın iki övladı var. Biri 2002-ci ildəndir, digəri isə 2006-cı ildən. İkisi də təhsil alır. Uşaqlara ən yaxın xaladır", - deyə Nüşabə Ələsgərli əlavə edib.

Sənətçi, həmçinin, anasının vəfatından sonra da onun ailəsinə olan dəstəyini hiss etdiyini bildirib: "Anam bacımdan iki ay əvvəl dünyasını dəyişdi. Anam necə onlara dəstək ola bilərdi ki... Hər ikisinin vəfatından artıq 9 il keçib. Mənim üçün bu 9 il elə bir dünən idi."

Nüşabə Ələsgərli, həmçinin, həyatında baş verən çətinlikləri – pandemiya və müharibəni də xatırlayaraq, insanların dərdlərinin çox zaman bir-birinə qarışdığını qeyd edib: "Dünyada və ölkəmizdə elə hadisələr baş verdi ki, pandemiya, müharibə... Bizim dərdlərimiz ikinci plana keçdi. Amma hər kəsin dərdi özü üçündür", - deyə o, sonda fikrini tamamlayıb.