"Gəldim ki, evdə yeməyə çörək belə yoxdur"

Əməkdar artist Elton Hüseynəliyev uzun illər əvvəl yaşadığı çətin günlərdən danışıb. Müğənni "Gün ortası" verilişində verdiyi açıqlamada meyxanaçı Namiq Mənin onu 1996-cı ildə Rusiyaya apardığını bildirib:

"O vaxt Namiq anamdan icazə alıb məni Rusiyaya apardı. Sonra özü Bakıya qayıtdı, mən isə bir neçə musiqiçi ilə orada qaldım. Planımızda növbəti konsert var idi, amma Namiq Bakıya qayıdarkən qəzaya düşdü. Mən isə orada tək qaldım."

Elton Hüseynəliyev Rusiyada tanışlarından birinin evində qaldığını və daha sonra Namiq Mənin geri dönməsi ilə Azərbaycana qayıtdığını deyib:

"Namiq anam üçün 500 dollar pul göndərmişdi. Amma mən evə gəldikdə anam dedi ki, sənsiz o pula toxunmadım. Hətta qonşudan çörək alıb yeyiblər. Evdə yeməyə çörək belə yox idi."

Müğənni anasının fədakarlığını və yaşadıqları çətin günləri duyğusal şəkildə xatırlayıb.