Ağadadaş Ağayevin Baltası Özünə Qaytarıldı

Xalq artisti Ağadadaş Ağayevin ötən il Bakıdakı "MedEra" hospitalında mühafizəçiyə atdığı balta məhkəmə qərarı ilə ona qaytarılıb.

Məlumata görə, istintaq zamanı maddi sübut kimi götürülən alət Binəqədi Rayon Polis İdarəsinə təhvil verilmişdi. Məhkəmənin yekun qərarına əsasən, cinayət tərkibi daşımayan maddi sübut kimi baltanın sahibinə geri qaytarılmasına qərar verilib.

Xatırladaq ki, müğənni hadisə zamanı baltanı qorxutmaq məqsədilə atdığını bildirmişdi. Məhkəmə hökmü ilə ona 1 il sınaq müddəti seçilməklə şərti cəza verilib. Ağayevin vəkili qərardan bəraət tələbi ilə apellyasiya şikayəti verməyi planlaşdırdıqlarını açıqlayıb.

Mühafizəçi Nurəddin Cəlilova da 2 il sınaq müddəti seçilməklə şərti cəza verilib.