Ağadadaş Ağayevin səhhətində problem

Xalq artisti Ağadadaş Ağayevin səhhətində yaranan problemlər səbəbindən onun cinayət işi üzrə məhkəmə iclasları təxirə salınıb. Məlumata görə, sənətçinin vəkili məhkəməyə onun səhhəti ilə bağlı məlumat verib və bu səbəbdən prosesin ertələnməsi qərara alınıb.

Ağadadaş Ağayev Cinayət Məcəlləsinin 221.3-cü (xuliqanlıq, silah qismində istifadə olunan əşyalardan istifadə etməklə törədildikdə) maddəsi ilə ittiham olunur. Onun məhkəməsi Binəqədi Rayon Məhkəməsində keçirilir və bu iş üzrə tərəflər barışıq sazişi imzalayıblar.

Məlumata görə, əvvəlki məhkəmə iclaslarında Xalq artisti özünü müdafiə edərək ittihamları inkar edib və hadisə zamanı istifadə olunan baltanı "məişət əşyası" adlandırıb. Barışıq sazişinin məhkəmə tərəfindən qəbul edilib-edilməyəcəyi isə hələlik bilinmir. Əgər ittiham təsdiqlənərsə, Ağadadaş Ağayev 2 ildən 5 ilə qədər azadlıqdan məhrum edilə bilər.

Növbəti məhkəmə iclası fevralın 12-nə təyin edilib.