“Ağlım olsaydı, müğənni olmazdım”

Xalq artisti Nisə Qasımova müğənnilik karyerası ilə bağlı səmimi açıqlamalar verib.

71 yaşını qeyd edən sənətkar qatıldığı televiziya proqramında sənət yolunun keşməkeşlərindən danışıb. O, müğənni olmaq qərarının məcburiyyətdən doğduğunu bildirib:

“Ağlım olsaydı, qətiyyən müğənni olmazdım. Yaxşı bacı, ana, bağça müəlliməsi, həkim olardım”, – deyə o bildirib.

Sənətçi yaşadığı psixoloji çətinliklərdən də danışıb:

"Oxumağa məcbur oldum. Çünki o illərdə nə yolun yarısında, nə də ortasında idim… Geri çəkilmək mümkün deyildi. Mənə qarşı psixoloji təzyiqlər vardı, ancaq güc toplayıb davam etməyə qərar verdim. Heç vaxt "mən birinciyəm", "məndən yoxdur" kimi iddialarda olmamışam. Çünki daxili dünyamda belə eqo ilə yaşamamışam. Qabağıma çəkilən o çəpərləri aşmaq asan deyildi", – deyə Nisə Qasımova vurğulayıb.