Aparıcı Zaur Baxşəliyev hər gün fərqli verilişlərə qatılan müğənniləri sərt şəkildə tənqid edib. O, bu barədə aparıcısı olduğu proqramda fikirlərini bildirib.
"Bəzən qəribə qalıram. Müğənnilər var ki, bir verilişdən çıxıb, o birinə gedir. Səhər birində, axşam başqa birindədir. Hətta elə olur ki, eyni vaxtda iki fərqli proqramda görürsən. Elə insanlara yazığım gəlir, ürəyim ağrıyır. Özünü niyə bu qədər yorur, tükədirsən?" - deyə aparıcı bildirib.
Zaur Baxşəliyev müğənnilərin daim efirdə olmasının onlara faydadan çox zərər gətirə biləcəyini vurğulayıb. O, sənət adamlarının daha seçici davranmalı olduğunu qeyd edib.
