Alla Puqaçovanın əri əkizlərinin üzünə həsrət qalıb – FOTO
Məşhur rusiyalı müğənni Alla Puqaçova və həyat yoldaşı Maksim Qalkin barədə yayılan xəbərlər səngimək bilmir. Ailənin İsrailə köçməsindən sonra Qalkin daim xaricdə səfərlərdə olduğu üçün əkiz övladlarını nadir hallarda görə bilir.
AsimanFərzəliyeva 
2022-ci ildə Moskvanı tərk edən Rusiyanın Xalq artisti Alla Puqaçova və şoumen həyat yoldaşı Maksim Qalkin haqqında yayılan xəbərlər davam edir.
Müğənni İsrailə köçərək burada adi evdar qadın həyatı yaşayır. Lakin bildirilir ki, Puqaçova çox vaxtını əri olmadan keçirir. Maksim Qalkin uzun müddətli qastrol səfərlərinə çıxdığından, demək olar ki, ailəsi ilə az vaxt keçirir.
Cütlüyün 11 yaşlı əkiz övladları – Harri və Liza atasız böyüyür. Onlar Rusiya ilə vidalaşdıqdan sonra müxtəlif ölkələrdə bir neçə məktəb dəyişmək məcburiyyətində qalıblar. Qalkin isə uşaqlarını ancaq həftəsonları görə bilir.
Son vaxtlar Maksimin spirtli içki istehlakını artırdığı da iddia olunur. O, əkizlərinin görüntülərini sosial şəbəkədə paylaşaraq onların həyatını əsasən videolardan izlədiyini bildirib.
