Azər Baxşəliyev Əməliyyatdan Könüllü İmtina Edib
Aktyor Azər Baxşəliyev donor transplantasiyası əməliyyatından könüllü olaraq imtina edib. Bu barədə Orqan Donorluğu və Transplantasiyası üzrə Koordinasiya Mərkəzinin direktoru məlumat verib.
AsimanFərzəliyeva 
Məşhur aktyor Azər Baxşəliyev, donor transplantasiyası əməliyyatından könüllü olaraq imtina edib. Bu barədə Orqan Donorluğu və Transplantasiyası üzrə Koordinasiya Mərkəzinin direktoru Yeganə Abbasova APA TV-yə verdiyi müsahibəsində məlumat verib.
Yeganə Abbasova bildirib ki, Azər Baxşəliyevin 4 il əvvəl böyrək transplantasiyası əməliyyatı həyata keçirilib və onun donoru anası olub. Lakin 4 ildən sonra Azər Baxşəliyev qohum olmayan donorla təkrar müraciət edib və bütün sənədlər hazır olmuşdu. Donordan razılıq alınmış, sənədlər notarial olaraq təsdiq edilmiş və Etika Komissiyasına göndərilmişdi.
Amma Azər Baxşəliyev əməliyyatdan imtina edib. Mərkəzin direktoru qeyd edib ki, bunun səbəbi əməliyyatdan sonra donor üçün yaranan risklər olub və buna görə aktyor könüllü olaraq əməliyyatdan imtina edib. Bu barədə ərizə də təqdim edilib.
