Aktyor Kənan Mahmudov, həmkarı Azər Baxşəliyevin ölümünün səbəbini açıqlayıb. O, Azərin ölümünün böyrək çatışmazlığından deyil, beyninə qan sızmasından qaynaqlandığını bildirib. Kənan MM, Azərin çox pozitiv və sakit təbiətə malik olduğunu qeyd edərək, onun heç vaxt əsəbiləşmədiyini və heç kimin qəlbini qırmadığını vurğulayıb.
"İnsan 25 illik dostu haqqında nə danışa bilər? Bu, heç də az vaxt deyil", - deyə Kənan Mahmudov sözlərinə əlavə edib. O, həmçinin Azərin həyatla bağlı söylədiyi bir fikri də xatırladıb: "Azər həmişə deyirdi ki, ölümdən düzgün yaşamayan insanlar qorxar".
Azərin ölümünün səbəbi olaraq, Kənan Mahmudov beynə qan sızmasının səbəb olduğunu bildirdi. O, həmçinin Azərin yanvarın 16 və ya 17-də Türkiyədə əməliyyat olunmalı olduğunu əlavə edib. Kənan MM, mərhum dostunun pozitiv və həyat dolu insan olduğunu, onun ölümünün həm onlar üçün, həm də yaxınları üçün böyük itki olduğunu qeyd edib.
Xatırladaq ki, Azər Baxşəliyev poliorqan çatışmazlığından əziyyət çəkirdi və həyatını davam etdirmək üçün orqanizminin yaşama qabiliyyəti itmişdi. Dünən gecədən etibarən həkimlərin səylərinə baxmayaraq, onun vəziyyətində geridönməz dəyişikliklər baş verib və bu gün vəfat edib.
AsimanFərzəliyeva 
