“Biz O Daş Parçasını Yusaq Nə Dəyişəcək?”-FOTO

Əməkdar artist Tünzalə Əliyevanın ölümündən iki il keçdi. Həyat yoldaşı Röyal, sosial şəbəkədə xanımının xatirəsini bu sözlərlə yad edib:

"Saat 10:00-da ürəyi dayandı, amma yenidən vurmağa başladı. Saat 11:00-da yenə ürək dayandı. Allah rəhmət eləsin… Bu söz 770 gündür ki, qulağımda səslənir. Ömrümün sonuna kimi də səslənəcək. Ad günlərimi unuduram, hər dəfə Tünzalə xatırladırdı. Amma öldüyü günü bilirəm: 21.01.2023…"

Röyal, insanların sosial şəbəkələrdə yazdıqları şərhlərə də toxunaraq bildirib:
"İnsanların fikirlərinə Allah rızası üçün hörmət edirəm. Lakin bəzən başqa səhifələrdə şərhləri oxuyuram: Zəhra Tünzalə ilə eyni geyimi geyinib və ya qəbr daşını niyə yumurlar? Oxuyub keçirəm. Biz ailə quranda da çox söz yazıldı, əsla cavab vermədik. Lakin o şərhləri ailə üzvlərimiz, dostlarımız da oxuyur. Yaxşı deyil... Biz o daş parçasını yusaq nə dəyişəcək? Mənim üçün daş parçasıdır. Lakin insanların inancına, düşüncəsinə hörmət edirik."

Qeyd edək ki, "Toppuş bacı" ləqəbi ilə tanınan aktrisa xərçəngdən əziyyət çəkirdi və 2023-cü ildə dünyasını dəyişib. Röyal ilə ailəli olan Tünzalənin Zəhra adlı bir qızı var.