Avroviziya 2011 qalibi Nigar Camal, Tiktok haqqında sərt fikirlərini bölüşdü və platformada yayımlanan bəzi paylaşımlar ilə bağlı narahatlığını dilə gətirdi.
Avroviziya 2011 qalibi Nigar Camal, "Xəbərin var?" verilişində Tiktok haqqında düşüncələrini açıqladı. O, sosial mediada ən çox sevdiyi platformanın İnstagram olduğunu və Tiktokla əlaqəsinin olmadığını bildirdi: "Tiktokda heç vaxt canlı yayım açmamışam, çünki mənə bu platforma uyğun deyil. Biz Tiktokda frikləri görəndə, çox nadir hallarda maraqlı və savadlı tiktokerlər tapırıq," – deyə o əlavə etdi.
Nigar Camal, Tiktokda yayımlanan bəzi paylaşımların təhqir və sərt sözlərlə dolu olduğunu vurğuladı. "Tiktokda insanlar bir-birini söyür və təhqir edir, amma təəssüf ki, bu tip videolara çoxlu rəy və hədiyyə gəlir," – deyə bildirib. O, sosial mediadakı bu mənzərədən narahat olduğunu və maraqlı tiktokerləri izləmək istəsə də, platformada belə məzmunların çox olduğunu qeyd edib.
