"Bunu hamımız bilirik, sadəcə qeyrətimiz yoxdur ki, açıb deyək"

Xalq artisti Afaq Bəşirqızı "Qapqara" YouTube layihəsində teatr sahəsindəki problemlərdən danışıb. O, Xalq və Əməkdar artist fəxri adlarının verilməməsinin aktyorları çətin vəziyyətə saldığını bildirib:
"Camaatın aralarında ürəyi partlayanı, fikrə düşəni, beyni pozulanı var. Aktyorlar deyirlər ki, bu işdə can qoymuşuq, onda niyə işləyirdik?"

Aktrisa Azərbaycan teatrının problemlərinin sayılmayacaq qədər çox olduğunu qeyd edib:
"Teatrın yaşaması üçün yaradılan bütün təşkilatlar müflis oldu. Hanı Teatrlar İttifaqı? Hanı onların dövründən qalan mal-dövlət? Bu milyarddır. Bunu hamımız bilirik, sadəcə qeyrətimiz yoxdur ki, açıb deyək."