Rəqqasə Fatimə Fətəliyeva uşaqlıq illərində qardaşı ilə yaşadığı çətin münasibətlərdən danışıb. O, ailəsinin onun evdə oturub dərs oxumasını və yemək bişirməsini istədiyini, lakin bunun əksinə, çox aktiv uşaq olduğunu bildirib.
"Qardaşımla heç vaxt yola getməmişik. O, ömür boyu məni döyüb. Mən isə çox dəcəl idim. Qapını bağlayırdılar, pəncərədən qaçırdım, pəncərəni bağlayırdılar, qapıdan çıxırdım. Xəyal edirdim ki, o başqa şəhərdə yaşasın. Nəhayət, bu gerçəyə çevrildi, indi Amsterdamda yaşayır," – deyə rəqqasə bildirib.
Fatimə Fətəliyeva, uzun müddət görüşmədiklərini və son konsertlərindən birində qardaşı ilə qarşılaşdığını söyləyib: "Məni görən kimi dodaq boyama irad tutdu. Mən də dedim ki, artıq böyük xanımam, özümdən böyük qızım var. Ancaq o, ailəsində belə deyil, yalnız mənə qarşı bu cür münasibət göstərir".
