"Evdə konfet qalmadı"
Tanınmış aparıcı Elgiz Əkbər uşaqların eyni papağı dəfələrlə atmasından gileylənib. O, artıq evdə bir stəkan çaya verəcək konfet belə qalmadığını bildirib.
AsimanFərzəliyeva 
Aparıcı Elgiz Əkbər verilişində uşaqların papaq atma ənənəsi ilə bağlı maraqlı etiraf edib.
O, bəzi uşaqların eyni papağı dəfələrlə atmasından şikayətlənərək belə deyib:
"Uşaqlardan xahiş edirəm, qapıya bir dəfə papaq atın. Ya da papağı dəyişin. Xəsislik etmirəm, amma şirniyyat mağazasında işləmirəm. Eyni papağı bir, iki dəfə atdın, bəsdir, üç dəfə atır. Evdə heç nə qalmadı. Bu gün bizə qonaq gəl, bir stəkan çaya 1 konfetimiz yoxdur. Hamısı getdi. Heç olmasa fərqli papaq atın, eyni papağı atıb adamın gözünə girir."
Xatırladaq ki, papaq atmaq Novruz bayramının qədim adətlərindən biridir. Uşaqlar bayram ərəfəsində evlərin qapısına papaq ataraq şirniyyat və hədiyyələr toplayırlar.
