"Gərək əvvəl də belə edərdim"-VİDEO

Baku TV-nin "Qapqara" verilişinin yeni buraxılışının qonağı olan müğənni Üzeyir Mehdizadə 20 ildən çox davam edən sənət yoluna nəzər salıb. Üzeyir Mehdizadə, "Məqsədim odur ki, xarici musiqilər kimi bizdən də dünyada tanınan müğənnilər olsun. Mən ilk olaraq özüm buna nail olmağa çalışıram", — deyərək musiqinin gücündən və insanlara pozitivlik aşılamağın vacibliyindən danışıb.

Müğənni gənc yaşlarında oxuduğu əyləncəli mahnılara toxunaraq, artıq daha diqqətli mahnı seçimləri etdiyini bildirib. "Əvvəllər oxuduğum bəzi mahnıları indi oxumaq istəmərəm. Əyləncəli mahnılar dünyanın ən çox tələb olunan janrlarındandır, amma bu gün mənim xarakterimlə daha uyğun olan mahnılara üstünlük verirəm" deyə əlavə edib.

Üzeyir Mehdizadə keçmişinə nəzər salaraq, etdiyi səhvlərin ona çox şey öyrətdiyini vurğulayıb: "Keçmişimi düşünərək daha yaxşı qərarlar verirəm, yaşadıqlarım məni formalaşdırdı".