Həlak olan ekipaj üzvlərinin vida mərasimi keçirilib - FOTOLAR
Bu gün Heydər Əliyev Beynəlxalq Aeroportunda, Bakı-Qroznı reysini yerinə yetirən təyyarənin qəzaya uğraması nəticəsində həlak olan ekipaj üzvlərinin vida mərasimi keçirilmişdir. Mərasimdə ailə üzvləri və rəsmi şəxslər iştirak ediblər.
D.Sadi 
Bu gün Heydər Əliyev Beynəlxalq Aeroportunda Bakı-Qroznı reysini yerinə yetirən "Embraer 190" tipli sərnişin təyyarəsinin qəzaya uğraması nəticəsində həlak olan ekipaj üzvlərinin vida mərasimi keçirilib. Mərasimə onların ailə üzvləri, rəsmi şəxslər və ictimaiyyət nümayəndələri qatılıblar.
Həlak olan üç ekipaj üzvü – gəmi komandiri İqor Kşnyakin, pilot Aleksandr Kalyaninov və stüardessa Hökümə Əliyeva bu gün II Fəxri xiyabanda dəfn ediləcək. Onların cənazələri dəfn olunmaq üçün həmin əraziyə aparılıb.
Xatırladaq ki, dekabrın 25-də "Azərbaycan Hava Yolları" aviaşirkətinin J2-8243 nömrəli Bakı-Qroznı reysini yerinə yetirən "Embraer-190" təyyarəsi Aktau şəhərinin yaxınlığında qəzaya uğrayıb. Hadisə nəticəsində 38 nəfər həlak olub, 29 nəfər isə yaralanıb.
.png){kind=small}
