İllər sonra barışdılar– FOTO

Uzun illərdir küsülü olan Xalq artisti Röya Ayxan və müğənni Elnur Məmmədov barışıb.

Müğənni Elnur Məmmədov sosial media hesabında Röya Ayxanla birlikdə çəkilmiş fotolarını paylaşaraq bu anı izləyiciləri ilə bölüşüb. Onlar bir tədbirdə qarşılaşıb və illər sonra barışaraq birlikdə şəkillər çəkdiriblər.

Elnur paylaşımına "Röya, Elnur... 25 illik dostluq" sözlərini əlavə edib.

Qeyd edək ki, Röya ilə Elnur Məmmədovun münasibətləri illər əvvəl "Dəniz" mahnısı səbəbindən pozulmuşdu. Röya verdiyi açıqlamalardan birində Elnur haqqında sərt ifadələr işlətmiş və "Ömrümün axırına kimi ona nifrət edəcəyəm, onunla heç vaxt barışmayacağam" demişdi.

Lakin görünən odur ki, illər keçdikcə münasibətlər yumşalıb və onlar yenidən dostluqlarını bərpa ediblər.