İlon Maskın anası 76 yaşında yenidən podiumda – FOTO
Dünyaca məşhur milyarder İlon Maskın anası, supermodel Mey Mask bir daha sübut edib ki, yaş modaya mane ola bilməz. 76 yaşlı model Nyu-York Moda Həftəsində Juzui brendinin podiumunda gümüşü libas və ağ xəz palto ilə çıxış edərək diqqət çəkib. Mey Maskın zərifliyi və gücü moda dünyasında xüsusi vurğulanıb.
AsimanFərzəliyeva 
76 yaşlı supermodel və İlon Maskın anası Mey Mask yenidən moda dünyasında parlayıb. O, Nyu-York Moda Həftəsində Juzui brendinin podiumunu bağlayaraq gümüşü paltar və ağ xəz palto ilə göz qamaşdırıb. Brendin açıqlamasında Mey Maskın "əbədi zərifliyin simvolu" olduğu vurğulanıb.
Tanınmış model son illərdə Dolce & Gabbana, Christian Siriano və Philipp Plein kimi məşhur brendlərin nümayişlərində iştirak edib. Bununla belə, Juzui brendi onun üçün xüsusi önəm daşıyır. O, bir neçə mövsüm ardıcıl olaraq Taoray Wang şoularını seçib və finalda yer alıb.
Mey Mask noyabr ayında oğlu İlon Maskla birlikdə qatıldığı Mar-a-Laqo tədbirində də Juzui-nin podiumda geyindiyi gümüşü libasını yenidən istifadə edib. Onun bu seçimi moda dünyasında diqqətdən kənarda qalmayıb.
