Kəmalə Piriyeva illərlə gizlətdiyi sirrindən danışdı

"Qapqara" verilişinin yeni buraxılışının qonağı aparıcı Kəmalə Piriyeva olub. Verilişdə, Kəmalə Piriyeva uşaqlıqda incəsənət sahəsinə olan marağını gizlətdiyini etiraf edib. O bildirib ki, valideynlərinin bu sahəni dəstəkləməyəcəyindən qorxaraq, bu barədə danışmamış və məktəb tədbirlərində aktyorluq, şeir oxumaq və mahnı oxumaqla öz istəyini gizli şəkildə göstərməyə çalışıb.

Aparıcı əlavə edib ki, uşaqlıqda psixoloq olmaq arzusunu dilə gətirirdi, amma incəsənət sahəsinə olan həvəsi daha güclü idi.

İnsan münasibətlərindən də danışan Kəmalə, yeni tanış olan insanların bir-birinə tam səmimi davranmalarına inanmadığını vurğulayıb. "Özünü qorumaq üçün sərhədləri saxlamaq lazımdır. İnsanlar, çox vaxt özlərini olmaq istədikləri kimi təqdim edirlər," deyə qeyd edib.

Verilişdə, Kəmalə həmçinin valideynlərinin onu niyə qəbul etmədiklərini açıqlayıb.