Mahsun Kırmızıgülə ağır itki
Məşhur müğənni Mahsun Kırmızıgül ögey anası Zühre Bazencirin vəfatı ilə bağlı kədərini bölüşüb.
AsimanFərzəliyeva 
Türkiyənin məşhur müğənnisi Mahsun Kırmızıgülə ağır itki üz verib. Sənətçinin ögey anası Zühre Bazencir dünyasını dəyişib.
Mahsun Kırmızıgül bu barədə sosial media hesabında paylaşım edərək kədərini ifadə edib:
"Bu gün Zühre Bazencir anamızın vəfat xəbərini aldım, ürəyim ağrıdı. Ardıcıl itkilər insanın ürəyini parçalayır. O, məni çox sevirdi, həmişə dualarına qatırdı. Ögey övlad olsam da, məni övladlarından ayırmazdı. Onun sevgisini, duasını hər zaman ürəyimdə daşıyacağam. Ananı itirmək, başqa bir acıdır... Qardaşım Yusufa başsağlığı verirəm."
Qeyd edək ki, Mahsun Kırmızıgülün doğma anası Faika Bazencir ötən ilin dekabr ayında 99 yaşında dünyasını dəyişmişdi.
