Mərhum meyxanaçı Məşədibabanın oğlu Mircəlal maraqlı qərarı ilə diqqət çəkib. O, ailə qurmadan öz toyunu edib. Gənc meyxanaçı bu addımı atmasının səbəbini açıqlayıb.
Mərhum meyxanaçı Məşədibabanın oğlu, gənc meyxanaçı Mircəlal fərqli addımı ilə gündəmə gəlib. O, evlənmədən öz toyunu təşkil edib.
Bu barədə o, qatıldığı televiziya proqramında danışıb. 22 yaşlı meyxanaçı bildirib ki, ailə həyatı qurmasa da, bakılılar arasında belə bir adət var – əvvəlcədən toy edib, sonra həyat yoldaşı tapmaq mümkündür. Lakin onun əsas məqsədi bu olmayıb:
"Mən pul yığmaq üçün toy etməmişdim. Ailə böyüklərimiz arasında xəstə olanlar, ölüm ayağında olanlar var idi. Onların arzusu idi ki, mənim toyumu görsünlər. Mən də onların xatirinə toy etdim. Şükür ki, etmişəm, çünki onların bir neçəsi artıq dünyasını dəyişdi.”
Gənc meyxanaçının bu qərarı sosial mediada da maraqla qarşılanıb.
