Michael Jacksonun yayımlanmamış mahnıları tapıldı

San-Fransiskoda, müğənni Maykl Ceksonun 1989-1991-ci illər arasında yazdığı 12 yayımlanmamış mahnısının yazıları aşkar edilib. Kasetlər, bir vaxtlar prodüser Brayan Lorene aid olan bir anbarda saxlanırdı. Bu unikal kolleksiya, binanı satın alan təqaüdçü polis əməkdaşı Qreqq Musqrov tərəfindən tapıldı.

Səs yazılarında, Ceksonun prodüserlə yaradıcılıq prosesini müzakirə etdiyi eşidilir. Həmçinin, “Truth on Youth” adlı trekdə Maykl, əvvəllər onunla işlədiyi barədə söz-söhbət gəzən reper LL Cool J ilə birgə rep oxuyub. Ceksonun bu mahnılarının dəyəri yeddi rəqəmə çata bilər və Musqrov onların hərrac vasitəsilə satılmasını planlaşdırır.