"Microsoft Word" İntellektual Axtarış Funksiyasını Ləğv Etdi
"Microsoft", 2016-cı ildən "Word" mətn redaktorunda mövcud olan "Smart Lookup" (İntellektual Axtarış) funksiyasını ləğv edib. Ekspertlər bunun süni intellektin inkişafı ilə bağlı olduğunu bildirirlər. Yeni versiyalarda bu funksiyanı "Copilot" əvəz edəcək.
AsimanFərzəliyeva 
"Microsoft" "Word" mətn redaktorundakı "Smart Lookup" (İntellektual Axtarış) funksiyasını ləğv edib.
Bu funksiya ilk dəfə 2016-cı ildə təqdim olunmuş və istifadəçilərə mətn daxilində söz və terminlərin izahını internet üzərindən əldə etməyə imkan vermişdi. Lakin "Word"ün yeni versiyalarında bu xüsusiyyət artıq mövcud deyil.
Ekspertlər hesab edirlər ki, "Microsoft" bu addımı süni intellektin inkişafı ilə əlaqədar atıb. Şirkət "Smart Lookup" əvəzinə "Copilot" adlı süni intellekt sistemini təqdim edərək, istifadəçiləri daha çox bu yeni texnologiyaya yönləndirmək istəyir.
