Nadir Qafarzadədən "Altın Kelebek" mükafatı ilə bağlı sərt tənqid

Müğənni Nadir Qafarzadə, "Altın Kelebek" mükafatlandırma gecəsində iştirak edən bir çox azərbaycanlı sənətçini sərt şəkildə tənqid edib. Sosial şəbəkə üzərindən paylaşım edən sənətçi, mükafatların pulla alındığını və bu cür təşəkkürlərin əslində heç bir mənaya gəlmədiyini qeyd edib.

Qafarzadə bildirib ki, bir neçə gün əvvəl Moskvada olduğu zaman, Türkiyəyə mükafat almağa göndərilmək təklifi alıb, lakin buna razı olmayıb: "Orada məni kim tanıyır? Kimə lazımam? Mükafat alacağım yerdə kimə ehtiyacım var? Bu, sadəcə görüntüdür, əslində pulla alınır. Mənə heç pul təklif olunmadı, amma vicdanıma görə bu işə qarışmaq istəmədim," – deyə müğənni bildirib. O, mükafatların qiymətini aşağılayaraq, buna bənzər hərəkətlərin gülməli olduğunu da əlavə edib.

Qafarzadə həmçinin, Azərbaycan sənətçilərinin Türkiyədə tanınmadığını və onları yalnız müəyyən şəraitlərdə tanıdıqlarını da vurğulayıb. O, öz həmkarlarına "bəlkə də nə vaxtsa lazım olacağıq" fikrini də söyləyib.

Bu il "Azərbaycanın parlayan ulduzu" nominasiyasını, aktrisa Dəniz Tacəddin, aparıcı Fəridə Abdulla və müğənni Rilaya Hüseynzadə qazanıb.