“O Ses Türkiye”də Azərbaycan musiqisi səsləndi

Türkiyənin məşhur musiqi yarışması "O Ses Türkiye"nin son buraxılışında maraqlı anlar yaşanıb. İştirakçılardan biri – Gökçe adlı ifaçı Azərbaycan musiqisinə müraciət edərək, Cahangir Cahangirovun ölməz əsəri "Ay qız" mahnısını səsləndirib.

Onun çıxışına münsiflərdən yalnız Gökhan Özoğuz və Beyazıt Öztürk dönüb. Gökhan Özoğuz ifaçının azərbaycanlı olmadığını öyrənəndə təəccübünü gizlədə bilməyib və "Mən dönəndə Azərbaycan türkcəsində danışacağımızı düşündüm" sözlərini söyləyib.

Bu ifa yarışmanın tamaşaçıları tərəfindən də maraqla qarşılanıb və sosial şəbəkələrdə geniş müzakirələrə səbəb olub.