Alla Puqaçovanın Malikanəsi Bərbad Vəziyyətdə – FOTO
Rusiyanın məşhur cütlüyü Maksim Qalkin və Alla Puqaçovanın Moskva vilayətindəki malikanəsi ağır vəziyyətdədir. Qalkin və Puqaçova, malikanələrinin bərbad vəziyyətini və hər ay 500 min rubl (8675 manat) sərf etdiklərini açıqlayıb.
AsimanFərzəliyeva 
Ölkəsində "xarici agent" statusu almış olan məşhur yumorist Maksim Qalkin və həyat yoldaşı, Rusiyanın Xalq artisti Alla Puqaçovanın Moskva vilayətində yerləşən Qryaz kəndindəki qəsri dağılmaq üzrədir.
"Life" nəşri tərəfindən yayımlanan fotoşəkillərdə, bir zamanlar dəbdəbəli olan malikanənin vəziyyətinin ağır olduğu açıq-aydın görünür. Qalkin və Puqaçovanın malikanəsindəki parlaq divarların solmağa başladığı, kərpic örtüyünün qırılıb töküldüyü və damın dəmirdən olan hissələrinin paslandığı görünür.
Malikanə ilə bağlı vəziyyətə nəzarət etmək üçün müntəzəm olaraq köməkçilər yollanır. Ekspertlərin fikrincə, məşhur cütlük bu malikanənin saxlanmasına hər ay təxminən 500 min rubl (8675 manat) xərcləyir.
