"Restoranımda oturub, mənim adımdan istifadə ediblər"

Əməkdar artist Elza Seyidcahan, "Günaydın, Azərbaycan" verilişində maraqlı açıqlamalar verib. Müğənni, onun adına edilən dələduzluqlardan bəhs edib: "Zəng ediblər ki, Elza Seyidcahan, oturmuşuq Qubada sizin restoranda. Çox gözəldir. Biri restoran açıb və insanlara mənim adımı deyib".

Seyidcahan, başqa bir maraqlı təcrübəsini də bölüşərək, "Bank zəng vurub ki, niyə krediti ödəmirsiniz? Siz də ağlayırsınız? Sizin Şamaxıda üzüm plantasiyanız var. Bir gün də bir xanım deyir ki, sən də ağlayırsan? Zövqsüz villa tikdirirsən. Dedim, yerini deyin, gedim zövqsüz villaya", – deyə bildirib.