Sənət aləmindəki vəziyyəti tənqid etdi

Əməkdar artist Mətanət İsgəndərli "Afaqla 10lar" verilişində sənət aləmindəki çətinliklərdən danışıb. O, 30 ildir sənətdə olduğunu qeyd edərək, sənət aləmindəki indiki vəziyyəti faciə adlandırıb. Müğənni, kütlənin yalnız təqdim edilənləri qəbul etdiyini və gözəl, keyfiyyətli işlərin təqdim edilməli olduğunu vurğulayıb: "Biz çalışmalıyıq ki, kütləyə gözəl və keyfiyyətli işlər təqdim edək. Bu sahənin adı 'incəsənətdir'. Buna başqa ad vermək olmaz."

İsgəndərli, sənət aləmindəki biabırçı hallardan və sənətçilərin düzgün qiymətləndirilməməsindən də narazılığını dilə gətirib. O, sənətçilərin kənarda durmağını və gənclərə düzgün yol göstərməməsini tənqid edib: "Siz axı niyə çəkilib, dayanmısınız kənarda? Siz bu sənətə ömrünüzü, illərinizi fəda etmisiniz."