"Sərxan Kərəmoğlu Rəqsanə ilə arasındakı soyuqluq barədə danışdı"

Aparıcı və müğənni Sərxan Kərəmoğlu, hələ də küsülü olduğu Rəqsanə İsmayılova ilə münasibətləri barədə açıqlama verib. "Rəngarəng" verilişində iştirak edən Sərxan, aralarındakı münasibətin düşmənçiliyə çevrilmədiyini bildirib: "Biz hələ də danışmırıq, amma heç vaxt düşmənçilik etməmişik. İnsanlar var ki, kinlərini içində saxlayır və illərlə bunu böyüdürlər, amma mənim ürəyimdə kin yoxdur."

Sərxan, Rəqsanənin çevrəsindəki bəzi insanlar tərəfindən yanlış anlaşılmaların olduğunu da vurğulayıb: "Rəqsanə ilə heç vaxt problemim olmayıb, amma müsahibəmdə Aysunla bağlı dediyim sözlər yanlış şəkildə ona çatdırıldı. Mən Aysunun yanlış evlilik etdiyini demişdim və bunun da doğru olduğu sübut olundu. Mən Rəqsanəyə inanmırdım, amma Aysuna çox inanırdım. Bu sözlər səhv başa düşüldü və Rəqsanə məndən küsdü."

Sərxan, hər zaman Aysunu çox sevib və ona inandığını, amma bu sözlərin yanlış şəkildə anlaşılmasının münasibətlərində soyuqluq yaratdığını söyləyib.