Tanınmış Şahmatçı Türkiyədə Problemlə Qarşılaşdı

Azərbaycanın şahmat ustası Şəhriyar Məmmədyarov Türkiyənin Sabiha Gökçen hava limanında qeyri-adi bir vəziyyətlə üzləşib. Hadisə barədə "Satranc okulu"nun YouTube kanalında FİDE ustası Selim Gürcan məlumat verib. Gürcanın sözlərinə görə, Məmmədyarovun Londondan İstanbula gəlməsinin ardından hava limanının gömrük əməkdaşları onu qaçaqmalçılıqda şübhəli biliblər.

Türkiyəyə daxil olarkən kimliyini bildirən Məmmədyarov barədə dərhal internetdə axtarış aparılıb. Axtarış nəticəsində yanlış bir anlaşılma olduğu müəyyən olunub və gömrük əməkdaşları üzr istəyərək, Şəhriyar Məmmədyarovun Türkiyəyə keçidinə icazə veriblər.