Xanəndə Ayşən Mehdiyeva adından dələduzluq edildiyini açıqlayıb. Onun fotosu istifadə edilərək Votsap vasitəsilə pul istənilib. Sənətçi məsələ ilə bağlı DİN-ə müraciət edib.
Xanəndə Ayşən Mehdiyeva Daxili İşlər Nazirliyinə (DİN) müraciət edib.
Sənətçi bildirib ki, dələduzlar onun fotosunu Votsap profilinə yerləşdirərək kontakt siyahısındakı şəxslərə yazıb və adından pul istəyiblər. Bu yolla bir neçə nəfəri aldatmağa müvəffəq olublar.
Mehdiyeva hüquq-mühafizə orqanlarından dələduzların tapılması və cəzalandırılması üçün tədbir görülməsini xahiş edib.
O, insanları bu kimi hallarda ehtiyatlı olmağa çağırıb.
