"Teymur Mustafayevin sözlərinin mənasını sonradan başa düşdüm"

Müğənni Mətanət Əsədova illər öncə mərhum sənətkar Teymur Mustafayevlə birlikdə muğam ifa edərkən başına gələn maraqlı hadisəni xatırlayıb.

Sənətçi bu barədə qatıldığı verilişdə danışıb:
"Bir dəfə verilişlərin birinə Teymur Mustafayevi dəvət etmişdilər. Biz orada ciddi muğam oxuyurduq. Aparıcı ona qulağına nəsə deyəndən sonra, o da 'tüfəng' ifadəsini işlətdi. Mən isə bunun fərqli bir mahnıya aid olduğunu düşündüm və heç bir şeydən xəbərsiz şəkildə güldüm. Sonradan mənə başa saldılar ki, bu ifadənin başqa bir mənası varmış. Hətta bacım zarafatla dedi ki, niyə Teymur əminin qulağının dibindən birini vurmadın? Axı o sənə belə söz deyə bilməzdi! Amma mən heç nə anlamamışdım və sadəcə gülmüşdüm".

Mətanət Əsədova digər bir efir hadisəsini də xatırladıb:
"Bir dəfə də Sərxan Kərəmoğlu məni verilişdə çiynimdən və başımdan öpəndən sonra 'Bu, 18+ oldu' dedi. Mən isə yenə heç nə anlamadım. Daha sonra hamı zəng edib soruşurdu ki, niyə buna reaksiya vermədin? Mən nə bilim, nə baş verdiyini?"

Sənətçi bildirib ki, belə hadisələrdən sonra efirlərdə iştirak etməyə tərəddüd edir.